يُفرِّحُنا أن نَضعَ في مُتناوَلِكُم رَذاذَ قَطراتِ الفَرحِ والشّكرِ الّتي نَشرَها في قلوبِنا مَسؤولُو التّلامِذَة المُشارِكينَ في المباريّات...بالفِعل هي كَلماتٌ موحًى بها من الرّوح وتَدفَعُنا إلى وَعي صَدى الرّسالَةِ المسيحيّة و أهميّتها!
- شكُرُ من القَلب للإخت وردة مكسور ولكلّ فريق العمل معها ع هالنّشاط يللّي ضَخْ فينا، وبتْلامِيذنا نبَض الحمَاس والتّعاون. شُكر خاصّ ل ميشال حداد يللّي دايماً كنّا على تواصُل مَعو ع رَقمُو الخاصّ وكان دايمًا ع السّمع. (سيدة الأحمر الأنطونيّة- الدّكوانة)
- شكرا على كل جهودكن الله يحميكن و يخلّيكن بهالهمة... شكرا للأخت وردة ويعطيكُم ألف عافية أحبائي خاصّة استاذ ميشال يلّي أعطَى من قلبو. الله يبارِك فِيك. عَمل رائِع وشكرًا! (رندلى طربية-البوشرية)
- كلّ التّقدير والاحتِرام لَكلّ مين تِعِب وحضّر لهالمباريّات، وربنا يبارِك رسالِتكم ويَعطيكُم نعمِة وبركة الرّسالة.شكرًا لتَعبك ميشال وربنا يباركَكْ ويقويّك. شكرًا للأخت وردة لَسماحِك إلنا بالمشاركة، ربنا يقدسكَ (حنان دلال- الكويت)
- شكر من القلب للإخت وردة مكسور ولكلّ فريق العَمل معها. شُكًرا لهل الدّقة والإحترافيّة بالعمل، شُكرًا لهل المركز، مركز التربية الدينية يللّي بخلّيني اليَوم قول- رُغم بَعض الخيبات يللي عم نْشوفها- إنّو كنيسِتْنا بَعدْها بألف خير ومَدارسنا ولبنان بألف خَير بوجُود هَيك أشخاص مِتلكُن عم يُعصُف فيهم الرّوح القدُس بقوِّة. وما عَم جِامل أبدًا! (سيدة الأحمر الانطونيّة- الدّكوانة)
- شُكر كْبير للأخت وردِة ولكلّ فريق العمَل وعَقبال كلّ سنة (منى تلج- الحدث)
- ألف مبروك للجّميع وشُكرًا كبيرة للأخت وردة والأستاذ ميشال. ( الاب ايلي سعادة – الحدث)
- شكرًا من القلب! رَبْنا يبارِك فَريق العَمل ويقدّس عَمَلكم. (جوزيف حبيب- زحلة)
- شكرا كتير ويعطيكُم العافية. (ريما خوري-عين الخروبة)
- شكرًا من القلب! يعطيكُم الف عافية . ربنا يَعطيكِي الصّحة وتَضلّك بهالنشاط أخت وردة. (سعاد شرف- بكفيا)
- يعطيكن ألف عافية جميعًا: أُخت وردة والفريق كلّو و كلّ زميل كَمِان و عَقبال كلّ سنة. (نور حلو-جزّين)
- من الكويت : أنقر
- 339 views